TASƔUNT AMEƔNAS : TAMUƔLI IṚEẒNEN AR YIMAL AQBAYLI

Publié par

Tira d nettat i d asnulfu amenzu muqqren i tga talsa deg asmi yebda wemdan yesseqdac allaɣ-is i wesnulfu ama d allalen neɣ d ttawilat ara yessisehlen tudert-is, diɣ ara yessegzin axemmem-is. Aṭas n cwami id-yeǧǧa wedles amawi deg tmeti-nneɣ, akken yenna uneɣṛim zik d awal kan i tella ass-agi tuɣal d tira, wa ad tt-id-yeǧǧ i wayeḍ. Ihi, nra ad naru s tutlay-nneɣ ayen akk i d-icudden ar lebni n yimal n wegdud d tmeti-nneɣ.

Tikti n usbeddi n tesɣunt tesɛatt-id tmara, imi tasekla taɣlenzarit taqbaylit, d tin ixuṣṣen nezzeh, aṭas i yefren d waṭas diɣ i sluɣen, ɣef waya i d-nesbed tasɣunt agi ad tili d ttawil ara d-yerren aman ara tregwa-nsent ad nefṛez timsal, ad nissizdeg tamuɣli i tsutwin id-yettnekkaren.

Ameɣnas, nebɣa-t d taɛwint n tmusni deg ara d-yagum yal aqbayli, ɣef wayeg ara yebnu axemmem yelhan d wallalen ɣef wayeg ara yesqerdec azekka.

Ulac kra n tesɣunt id-yennulfan nebla iswi, neɣ ur d-nerri ara ger txenfyac wid umi tga ad tteɣṛen, nekkni wid i nra ad ttesɛun d tarfiqt deg tazwara d ilmeẓyen, wid werɛad ur icekkel ara axemmem kra n ukabar neɣ n tedyulujit, d widak umi fessus wallaɣ akken ad gzun s tmuɣli tatrart tilufa n lqern deg nettidir, imi lakul a zzayri mačči deg win ara afen tagulla i wulmen i lebni n tegzi d uxemmem zeddigen.

Ihi wigi ad sen-tili tesɣunt agi d annar ɣef wayeg ara bnun imal yeǧǧuǧgen, win ur tezmir ad tesmundel yal tasertit neɣ yal tadyulujit. Maca diɣ, imɣuṛa n tesɣunt llan deg yal leɛmeṛ, ula d wid muqṛen ad sen-tili d tiɣeṛɣert zeddigen ara yesseɣtin yir tiktiwin i d-gemren deg tudert-nsen.

Ulac acu ifuḥen am ticki ara tessemziḍ neɣ ad tḥeqṛeḍ tegzi n yemɣura-inek, dayen ur nelli ama deg leqdic-nneɣ ama deg xemmem-nneɣ, ɣaf waya id-tedda tesɣunt ameɣnas yakan sin n iseggasen, xas nebla adellel maca tetwassen ger yelmeẓyen iqbayliyen, maca ayagi drus ! ɣef wannect-agi i nra ad nessemɣer leqdic, ad nessekki ugar n iqeddacen, akken ad taweḍ ar yeswi nettnadi.

Deg-s ad tafem, axemmem n yelmeẓyen n wass-a,ɣef temsal i cudden ar tmeti n tura, acu yilaqen ad ibeddel, acu n cckel ilaqen ad yekkes d wacu tiseddaṛin i d-yeqqimen ad tent-neṛkeḍ deg lebni n yimal n tmurt taqbaylit n talwit, n tegzi akked tmusni.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s