AMEƔNAS : Uṭṭun wis semmus yella deg tmurt

Publié par

Xas ulamma iεeṭṭel akken ad yeffeɣ acku am akken teẓram ugten wuguren deg wayen yeεnan asiẓreg, maca tikkelt-a d tilawt. Yal tin d yal win iran uṭṭun agi amaynut, win neẓra belli teţraǧumt s ccuq d ameqqwṛa, ihi izmer ad t-yaf di tansiwin tennumem yakan.

Uṭṭun wis 5 d tajmilt ilmend n wesmekti wis 70 n tedyanin n 1949 « la crise berberiste », tin nwala nekkni d tanekra i d-inejren abrid i tlalit n uḥulfu aɣelnaw aqbayli.

Ad tafem daxel aṭas n yizemzan (dates) icudden ar imeḍruyen agi akked yismawen n wid yellan deffir-sen. Ur nebɣi-ara ad tili d tajmilt kan xas ulamma tijmilin mačči kan yiwet i yuklalen. Maca, nra-tt d tamuɣli ifeṛzen ar yiwet n tallit deg umezruy n Tmurt Taqbaylit i yellan d lsas n umennuɣ n wassagi n wegdud aqbayli akken ad yaf iman-is.

Aṭas n tmuɣliwin n imazrayen i d-izzakanen kan leḥris d miḥyaf iεeddan ɣef temsalt taqbaylit di tallit nni, annect-agi d tilawt ur yezmir ad yenḵer ḥed. Maca nekkni nebɣa ad nmudd tafat i wudem agrawliw s wayes i d-tegla tsuta nni ama di tektiwin neɣ deg wallalen i sqedcen. I tikkelt tamenzut i deg tinekkit tdel s tecḍaḍt tasertant; iḍrisen d yiniwen d inagan.

Tasɣunt nneɣ teţmeslay i tsutwin n tura s teqbaylit n wass-a akken ad tbeggen belli amennuɣ n wass-a mačči d win i d-yekkan seg yilem. D taḥawact n leεtab, d uxeddim, d usebbel n terwiḥin n yergazen d tulawin yegullen ad tḍil tafat ɣef umezruy n yimal n wegud aqbayli.

Tanemmirt i yal win d yal tin yeţikkin deg usewjed d usuffeɣ n wuṭṭun agi i neḍmeε ad yili d tanagit ara d-ibeggnen temɣeṛ n tektiwin d yergazen i tent-irefden.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s