AGDUD UR NEQQAṚ ARA WERǦIN AD YESƐU TILELLI

Publié par
AWAL N UMEƔNAS

AMEƔNAS : Azul Da Yusef, acimi turiḍ adlis ( taktabt) agi ɣef Lwennas, imi nezṛa akken d tikelt tamenzut ara taruḍ, ɣef yiwen wemdan, nesn-ik deg tullisin, neɣ deg ungalen ?

YUSEF ZIREM :  D tidett, ur-ɣ ɣef Lwennas, imi d amedyaz ḥeml-eɣ, d anaẓuṛ ṭafaṛ-eɣ, tudert-is akk d amennuɣ ɣef yedles aqbayli, imaziɣen, ɣef umaḍal arkk imi yal taswiɛt deg ara iwali ayen ur nelhi, ad-yini aya ur igerrez ara, yewḍ-ed wass 20 iseggasen aya deg asmi iyettwanɣa, d tira i yufiɣ d abrid akken ad as-rreɣ tajmilt, imi aqli deg Fransa i ttidireɣ, tamurt-agi d tamurt, n yedles d tira, sarameɣ mači kan d adlis agi ara yettwarun fell-as, ilaq ad-fɣen wiyaḍ.

Adlis agi d ayen walaɣ ɣef Lwennas, mači d ayen akk id-yedder, mmeslayeɣ-d ɣef akken i tesneɣ, imi mlaleɣt, sneɣt ama cemma, sneɣ wid it-yesnen, ḥkan-iy-id fell-as, ɣṛiɣ ayen yura netta, d wayen uran fell-as wiyaḍ, ihi zedmeɣ-d akka d wakka, deg yal tiẓgi, uri-ɣ-d yiwen wedlis d amectuḥ, akken ur ilaq ara ad tnettu imi yemmut ɣef wayen nessaram, yemmut ɣef yedles nneɣ, ɣef yedles imaziɣe, ɣef tlelli n wegdud aqbayli, d tlelli n wemdan anda ma yella.

Deg wedlis agi, uri-ɣd aṭas n temsal ur tent-ssinen ara yemdanen, maca drus ilaq ad ilin d tiwinas( timeyyatin) n yedlisen, axateṛ yeqdec aṭas yerfed tamuɣli id-yettarran ccan, i wergaz d tmeṭut abeɛda, imi yecna ɣef tmeṭut akken ur cnin ara wiyaḍ fell-as, yemmeslay-ed fell-as akken ur d-emmeslayen ara wiyaḍ fell-as. Awal-iw aneggaru d asirem akken ad tɛum tsuqilt ( traduction) n isefra n Lwennas ar tmeslayin tiyaḍ, deg uḥric agi i mazal nxuṣ, akken isefr-as d imeslayen-is igerzen s waṭas ad nnalen ulawen n leǧnas meṛṛa n dunnit.

AMEƔNAS: ma agd-ininɣ Lwennas akk d Timunent n tmurt taqbaylit ?

YOUSEF ZIREM : nek ad mudd-eɣ tamuɣl-iw kan ɣef temsalt agi, nek ad-iniɣ akken Lwennas iḥemmel, tamurt n leqbayel, iḥemmel diɣ tafriqt ugafa d umaḍal sumata. Lǧehd n Lwennas d tiktiwin ines, imi weqbel yal tamsalt d win yumnen ɣef tikt-as, i yettnaɣen fellasent, maca ur ilaq ara kan anessemẓi Lwennas ar yiwet kan n tmuɣli, neɣ n tikti, neɣ n webrid asertan, ad neddem ameslay id-yenna ad nenkeṛ akk wiyaḍ, ma tegreḍ tamawt deg tsertit yedda d FFS, send akin RCD, umbeɛd yexḍayasen i sin, ma deg tesfift-ines taneggarut yessawl-ed ar tdukli, ilaq ad neddem Lwennas Matub s lekmal-is, akken yella s wayen yella d wayen id-yenna, imi ulac-it dagi akken ad yer tiririt iwen ara nefren neɣ ara neǧ deg tikt-as.

AMEƔNAS: Ma ur ilaq ara ancud kan Lwennas ar yiwet n tikti neɣ ar yiwen wawal, ur nezmir ara diɣ ad nenkeṛ akken d win yecnan u yennuɣen ɣef TEQBAYLIT, ugar n wiyaḍ diɣ weqbel wiyaḍ ?

YUSEF ZIREM : yenn-ad taqbaylit-is weqbel wiyaḍ, yemmeslay-ed ɣef tikti TAFIDIṚALIT, ɣef  TEGDUDA TAQBAYLIT, Lwennas mači d win yettagaden tikta, d amdan yesmuzguten ugar n wayen id-yeqqaṛ, ma tella temsirt ara d-nawi deg tɣuṛi n wedlis agi akken Lwennas, d win yettnadin, ilemden, iḥefḍen, yettaẓen ar zzat, weǧin yeqqim kan deg yiwet n tekti. awellih-inu i yelmeẓyen d taɣuṛi, ilaq ad eɣṛen aṭas imi Lwennas d ayen ẓṛ-iɣ nek, d amdan yeqqaṛen aṭas, d annect-agi it-yeṣṣawḍen ar weswir yesɛa, selt nezzeh i tuɣac n Lwennas, ɣṛet isefr-as tellim allaɣ-nwen, qeblet tiktiwin xas deg tazwar ur wnehwit ara, maca selt-asent akken ad tesɛum tamuɣli-nwen kunwi.

« AGDUD UR NEQQAṚ ARA WERǦIN AD YESƐU TILELLI »

AMEƔNAS : Awal n tagara deg tdiwennit agi ?

YUSEF ZIREM :  Lwennas d argaz i ysellen iwegdud, ur yettarra yiwen ɣef wemnaṛ n tmusni, yesmuzgut aṭas ur iḥeqqeṛ yiwen s tmuɣli neɣ weqbel ad tyissin, ma yella ass-agi 20 iseggasen deg wasmi i tenɣan mazal ḥemlent nezzeh deg tmurt n leqbayel, akk d tmazɣa, mači baṭel id-usa, yezwaritt waṭas n leqdic d tegzi (lefhama), ɣef waya ilaq diɣ ad nsel i tsutwin id-ittnekkaren, mači yal yiwen ad yeqqaṛ  » AḤQ NEK », akken d-ennan, imjuh-ad n FLN, send akin imeɣnasen n 80, art art, ma d ilmeẓyen ad ddun kan d iqeffafen, ulac cciɛa n temɣeṛ d cciɛa n  imennuɣen yezrin ( iɛeddan),  ilaq ad neffeɣ deg usɛuẓẓeg agi, ass-agi ma yusa-d yiwen ak yini ur umineɣ ara akk s wayen d-eqqaṛem as-nini yenza, neɣ dirit dɣa nettṛebbi lkerhegga, nesserwaliten deg tagara ulac ccek ad naf iman-nneɣ nettwaɛzel, weḥḥed-neɣ kan ilaq ad nḍeggeṛ yir tiktiwin agi.

AMEƔNAS : acu ara d-iniḍ i tesɣunt AMEƔNAS ?

YOUSEF ZIREM : sarameɣ ad teddu deg ubrid n tidett, saramɣ-as tudert ɣezzifen, ad tefk awal i yal win izemren ad yawi ayen igerzen i tmurt n leqbayel i yedles-nneɣ, d imeɣnasen n tmazɣa d wid n umaḍal akken yella

AMDAN .T

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s