Publié par Aṭas i yuzlen n wawal deffir n usemmi n yiwen webrid deg yeɣrem n Bgayet d tajmilt i wergaz aserti amuqqran i d-ǧǧa tmurt taqbaylit wagi d mass Muḥend ulḥusin n At Ḥmed.
Aṭas n isebtaren n Facebook d yegrawen n imeɣnasen i d-ibegnen lɣiḍ-nsen acimi talwiḥt agi n webrid, tella deg-s tira s snat tutlayin tijenṭaḍin tigi d tutlayt tafransist d tutlayt n taɛrabt maca ulac tira n tuylayt tayemmatt n Ḥusin At Ḥmed, maca d aɣebbaṛ s allen, imi aɣbel ameqqran mači d tira n teqbaylit i yulac, d ayen nniḍen.
Acu teffer temsalt agi n tutlayin ?
Aɣbel ameqqran akken, send ad ibeddel isem n webrid agi yella yerfed isem d tejmilt i tefsut taberkant d yelmeẓyen yettwanɣan s ṛsas n leɣdeṛ n ijadermiyen izayriyen. Acimi aselway n tɣiwant n bgayet n ukabar n FFS wagi d mas Mhenni Ḥadadou, i yekkes tajmilt i tefsut taberkant deg yeɣrem n bgayet ?
Acimi ur yekkis ara neɣ ur ibeddel ara isem i kra n webrid-nniḍen ?
Ad nesmekti kan, lekrehegha d dɣel n ukabar agi metwal azamul n tefsut taberkant, imi mas At Ḥmed yewwt-ed s yisem-is deg laɛrac deg wakud nni wid umi isemma « les fascistes », anda diɣ ttekkan deg tefranin tiɣiwaniyin n 2002 xas ulamma tamurt taqbaylit s lekmal-is tɣunza tifranin agi.
Win yebɣan ad yeffer amezruy d iman-is kan ara yeffer, acku amezruy n tefsut taberkant yura s yidammen n 127 d ameɣras, d luluf n imejraḥ, werǧin tamurt taqbaylit ad tettu arraw-is xas ulamma FFS d win ibegsen ad yemḥu amezruy agi.
AT
ameghnas.com 