YUDAS AMNAY : ṬRAD N LEZZAYER MGAL IMEƔNASEN N TEQBAYLIT

Publié par

Yudas NAT SEƐDI , 25 n iseggasen , n Tddert n AT SEGWAL ( Melbu), d ameɣnas n timunent n tmurt taqbaylit, d anelmad deg tseddawit n Bgayet, am netta d igiman i yellan deg ukkuẓ n tɣemmaṛ n tmurt taqbaylit, yedder yir taswiɛt ass-agi n 23-01-2021, ur yelli acu yexdem n dir, yesbeggen-d kan leḥmala-s n teqbaylit d lebɣi-s am netta am tnuda-s ad idiren deg tlelli d leɛnaya n teqbaylit.

Yudas, d win yennumen tamharsa tazayrit, acku mači d tikelt tamenzut i d-eɣlin fell-as iserdasen n lezzayer akken ad keblen deg kumisareyyat-nsen,  » ttwaṭṭf-eɣ i tikelt tis 6 yakan, snat deg Melbu, ukkuẓ ( ṛebɛa) deg yeɣrem n Bgayet » i d-yenna Yudas.

Ass-a n Ssebt , deg yeɣrem n Melbu garwen-d kra n imeɣnasen n teqbaylit akken ad gen ibeddi i lmend n userreḥ n imeḥbas isertanen n teqbaylit Lounes ḤEMZI d Ǧamal AZAIM, ssulin i lmendad anay n teqbaylit, deg tfaska d unecṛeḥ.

Yudas deg ubrid n tuɣalin ar wexxam-is, sin n ibulisen sḥebsen-t-id deg webrid ssutren-as-d akken ad ten-yeḍfer, d ayen i yga nebla cwal, yedda armi d lkumisareyya i beɛden azal n 200 n lmitrat ɣef wanda i tesḥebsen  » Yella yidi umeɣnas nniḍen, isem-is Lyes AISSANI » id-yenna Yudas, yettkemmil awal-is, deg wacu is-yeḍṛan, yenna-d  » Mmeslayen-aɣ-d s leqder, mudden-aɣ-d kan kra n isteqsiyen ɣef tiktiwin-nneɣ tisertanin, d wayen akk i d-icudden ar umussu n timunent n tmurt taqbaylit, send ayagi azal n 20 n dqiqat serreḥn-aɣ-d nebla ccwal, imi nebla ccek ugaden amar ad slen imezdaɣ d imeɣnasen n yeɣrem n Mlebu amar ad begsen ar usufeɣ-nneɣ ».

Ayen yedder ass-agi YUDAS, yuɣal-as d ayen n menwala, ur izad ur yenqis, maca d wagi i d aɣbel ameqran acku ur ilaq ara ad tnessemẓi, d aya i yettnadi udabu amharsan azayri, ad yer lbaṭel yesɛdday ɣef imeɣnasen n teqbaylit d ayen yettwaqeblen neɣ akken neqqar « normal » .

D tidett tagmatt n imeɣnasen n teqbaylit d ibeddi-nsen s tugett ar yidis n wid ara yettwaḥeqren seg-sen d ayen i d-irennun tabɣest, yetteksen akukra, maca ad teqqim d taɛkemt ɣef imeɣnasen, imi d imdanen ula d nutni, ttḥulfun i taẓayt n tmuɣli n tmeti ar yidis-nsen.

Ilemẓi yesra ula d netta ad yidir tudert yelhan, icebḥen am netta am tnuda-s deg dunnit « Sɛ-iɣ zher imi tamdakkelt-iw tegza timmuɣnest-inu xas ulamma tezga txeddem-iyi aɣbel, maca ur yeshil fell-as ur fessus fell-i » id-yerna Yudas, yettkemmil  » Timeti, d tin yesɛan 3 neɣ 4 n tmuɣliwin ar imeɣnasen, llan wid ara k-yeṛẓen s lehduṛ, llan wid ara yḥtcen kan ɣef uneḥbus-inek sɣur iserdasen, llan wid ara yilin ar tama-k acku s wawal kan, u llan diɣ wid ara ibedden s tidett ar tama-k widak ladɣa d imdanen i k-iqerben d imeɣnasen n teqbaylit sumata ».

YUDAS : « Tajmilt-iw i yakk imeɣnasen n tɛqbaylit n yeɣrem n Melbu ladɣa Mulud Mebarki d imeɣnasen akk yellan deg ukkuẓ n tɣemmar n tmurt taqbaylit »

Yudas deg wawal n tagara i d-yefka i tesɣunt ameɣnas yebɣa ad yili d izen n umennuɣ,  » Agdud aqbayli s lekmal-is ilaq ad izeṛ akken tifrat ger ifassen-is i tella, i tifrat ara yebnun imal n tlelli d usefti d tnegmi i weɣref aqbayli, ur yezmir ad yili ma mači deg yifer n timunent n tmurt taqbaylit d lebni d usali n uwanek-ines, ihi i d-yegran kan d acemmer n iɣallen d tikli ar zzat »

AT1956230121

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s