HASSAN MOALI : « izayriyen ugaren ipalastiniyen tapalastinit »

Publié par

Aneɣmas aqbayli Hassan MOALI deg tilizri « LINA TILIZRI » deg tedwilt  » yeḍra ayen yeḍran », yella-yas-d weskasi ara tafem deg tagara n weḍris agi, askasi i d-yettbegginen iceqqiq ameqran ger snat n tmuɣliwin werǧin ad mlalent i lebda, ladɣa ticki ara ilint d timsal iqebḍen tasa n waɛṛaben-isneslmen, imi ar wegdud aqbayli tigi d timeṭṭaḥin ur ɣ-yecqin ara maca ar izayriyen tenger dunnit, d tidak akk i sqef n yiseɣ ɣersen.

Deg tedwilt agi, yuzzi-d wawal ɣef temsalt n waddal d tmurt n izraɛil,  » Mer ad d-eɣli tagara n talɣuɣa n ddabex n uḍar ger lezzayer d izraɛil, ad tɛemdem ad turarame mgal-is neɣ ala ? » d asteqsi i d-yessekren lhamaj ɣef weplaṭu n tedwilt agi, akken i wala ziɣ yeɣleb icerrig tafawett  » Kunwi ( aɛraben-isenselmen) tugaren tapalastinit i palastiniyen, wagi d tikerkas…. » maca send imi is-d-yerra yiwen n uneɣmas n tmurt n maser, akk imferjen yellan deg plaṭu-nni wten afus i wmasri imi ibeggen-ed kan, tamuɣli sɛan izayriyen ar temsal icudden ar iḥulfan-nsen ama d tiɛɛurebt neɣ d tisneslemt.

Ayen yugi ad yegzu ama d Hassan MOALI neɣ d igiman n yeqbayliyen yellan am netta, tamuɣli-ines ar temsal agi i cudden ar tiɛɛurrebt d tisneslemt d tamuɣli n tugett n yeqbayliyen d teqbayliyin daya kan, d tamuɣli n wegdud aqbayli ibeɛden am igenni ɣef tmurt akked tin n wegdud azayri.

Tugdut d tamsalt n wuṭṭun, win yesɛan tugett d netta ara ifernen asenfar n tmeti ara yeddun deg annar, ihi deg wayen umi semman lezzayer, tugett d izayriyen iɛraben-isenselmen, ayen ara yeǧǧen agdud aqbayli ma yefren ad yezdel deg leɛnaya n lezzayer ad yegguni kan nger d usefsex, akken yenna uneɣrim, lezzayer d aẓekka, d taqbaylit i d azekka.

Ar melmi tidderɣelt-nwen a wid umi d-iṣaḥ wawal ass-agi ?

AT1745250121

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s