Tawlift n tlisa n tmurt taqbaylit deg tilizri tafransist n TF1

Publié par

Deg tedwilt « C’est Canteloup » i d-yessedduy yemseḍṣi afransis yetwasnen aṭas s uqejjem-ines n isertanen yetwasnen d yetran n waddal d uzawan Nicolas Canteloup, yewwi-d ameslay ines ɣef sin yetran iqbayliyen wigi d ZINEDINE ZIDANE akked BENZEMA kARIM. Deg umeslay-ines yezakken-d tawlaft n tmurt taqbaylit deg tlisa ines n wass-a.

Tawlift agi d tin yezzin iḍelli tameddit deg allalen n usaweḍ n tmeti ladɣa Facebook, iban-d akken atṭas umi yeɛǧeb neɣ i feṛḥn ɣef tilin n tmurt taqbaylit deg umaḍal deg yal tikelt deg ara d-banen warraw-is neɣ ad d-ufraren deg kra n weḥric yellan, d ayagi ara d-ijebden lwelha ar imeɣnasen, ad ṣegmen tamuɣli-nsen ar unamek n timmuɣnest.

Ameɣnas n teqbaylit ass-agi mači kan d ameɣnas deg wannar n tsertit, xas ulamma d netta i yesran i wugar n tebɣest d wafud, imi d netta i d taɣlist ɣef teqbaylit ass-a, d netta diɣen i d lḥiḍ amenzu ara yemmagren akk tuccar d yessegnan n wid akk yenwan ad ṛzen taqbaylit. Maca, ur nezmir ara ad nebḍu timmuɣnest s wudem asertan ɣef tin i refden udem n yedles, acku taqbaylit d tafekka i teddun ɣef sin n iḍarren-ines, yiwen n uḍar d tasertit wayeḍ d idles, umlamek ara taẓ teqbaylit ma ur llin ara sin agi n iḍarren ara s yezdin lqedd-is.

Tawlift agi yettwazuzren tameddit n yiḍelli tettbeggin-ed udem nniḍen n timmuɣnest, ahat win umi ur nmud ara aṭas n wazal maca deg tegnatin am tigi, am win i d-yendekwalen deg yiḍes s ibeqqis. Udem agi d win n twinas n yeqbayliyen yefrurin deg ukkuẓ n tɣemmar n dunnit, wid yemɣin deg wakalen ibeɛden ɣef tmurt taqbaylit ama d lber n lyṛuppa neɣ marikan d waṭas n imeḍqan nniḍen, imi deg yal tikelt deg ara ifriren deg yal taɣult, ama d tazuri, neɣ d addaml neɣ d tusna neɣ d ayen nniḍen d udem n tmurt taqbaylit i yettfeǧǧiǧen yid-sen.

Ihi tzemreḍ a amdan aqbayli ad tiliḍ d tafat i tmurt taqbaylit, ma telliḍ kan deg tudert-ik n yal ass d amdan yelhan d amdan n lxir, ma tumneḍ ɣef uxeddim d umahil asmi ara d-tufrareḍ, zeṛ belli d keč i d ameɣnas yufraren n teqbaymlit.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s