Publié par Nurdin At Ḥemmuda, deg tedwilt » timlilit » i d-yettilin deg tilizri n BRTV i d-yessali Ḥemmu Merzuk, yuɣal-ed ɣef teswiɛt n tsertit deg tettili tmurt taqbaylit d tin umi qqaren lezzayer, yenna-d » ulac tifrat i tmurt taqbaylit ma ur telli ara timanit ».
Mači d netta i d aserti aqbayli amezwaru i yessawḍen ar tifrat agi, deg wid umi neqqar « les algériennistes », send netta yella Khaled Tazaghert, ula d netta ar ugemmuḍ agi i d-yessaweḍ anda yendem ula deg suter ines n usefti n tutlayin timaziɣen deg lezzayer irkulli yenna-d » ndemmeɣ nek yennuɣen akken tutlayin timaziɣin ad uɣent deg lezzayer irkulli, acku armi d tura i d-erriɣ s lexbaṛ belli ilaq ad nelhu deg tazwara deg tmurt taqbaylit send yal taɣawsa ».
Mači d acekker neɣ d aseɛzez n Nurdin d kra n isertanen n tmurt taqbalit i d-yewwi fella-neɣ ad ten-neg deg uḍris agi, maca akken kan ad nini belli ass-a n wussan, yella wemsegzi deg wennar aserti deg tmurt taqbaylit akken ilaq ad nṛuḥ kan ar yiwet n tefrat yugaren yakk timsal nniḍen tagi d asbeddi d usali n uwanek aqbayli.
Deg tbideyyut agi ara d-afen deg tagara n weḍris-nneɣ ad tafem akk ayen ɣef wayeg d-nemmeslay, ur yelli d asqizzeb ur yelli d tatut, maca newḍ-ed ar wakud anda myezwaren lecɣal, ayen yellan d tuḥsifin wwaygar-aneɣ yezmer s yeqbayliyen d teqbayliyin yezmer ad yarju alamma d asmi ara nessiweḍ ar wesbeddi n tegduda taqbaylit.
ameghnas.com 