Tilisa : iqbayliyen yettidiren deg inig ikebl-iten udabu azayri.

Publié par

Ar melmi ara zemment tlisa, ar melmi ara tebḍu tasa d way turew ? d wigi i d isteqsiyen, i yettezzin deg qerray n yeqbayliyen yettidiren deg yinig, mači kan ala iqbayliyen de teqbayliyen i yettwaṭfen deg tcerkett agi, maca ula d izayriyen ttidiren ula d nutni yir tagnitt agi send 17 meɣres 2020 ass deg tt-tegzem di rray tselwit n lezzayer ɣef uqerruy-is Tebbun, ad gezmen tilisa akked d umaḍal, azal n useggas agi i deg adabu yessexdem anfufed n covid-19 akken ad yemdel tiwwura zzat n yal wid iran ad kecmen ar tmurt.

Xas ulamma ma numen uṭṭunen unṣiben i d-ttmuddu tneɣlaft n tezmert tazayrit, anfufed agi n covid-19 d win yettenɣasen deg lǧehd d wenfufed, maɛna, liḥala tagraɣlant ladɣa anulfu n wayen umi qqaren  » γariant » deg lber n luṛupa d ayen ara yeǧǧen ad yebɛed ugar wass n tulya n tlisa.

Alɣu i wsuter n tulya n tlisa n lezzayer, d uheggi n tweffa n usenqed mgal adabu azayri.

D igiman n yeqbayliyen d izayriyen i yettemḥiḥiden tineggura yagi ama deg annar ladɣa zzat n kunsulat neɣ deg uẓeṭṭa azagzaw n iternet, i wakken ad ḥersen ɣef udabu azzayri ad yales tamuɣli-ines deg rray n wemdal n tlisa, ugar n 10 waguren aya. Imsineg azzayri ur yessekcam ara ar lezzayer d wagi i d lɣiḍ n igiman n yemdanen, zik imsineg ara ur yessufuɣ ara deg lezzayer ass-agi ula d asekcem ur yessekcam ara ula i wumit !

Acu i d tiririt n udabu azayri i wsuter agi n yeqbayliyen d izayriyen yettidiren deg tmura n medden ?

Adabu azayri d win umi tehwa teswiɛt deg nettidir, isekker tamurt i yal tiṭ yebɣan ad tessenqed liḥala tasertant ttidiren yegduden tezdel lezzayer, deg yimi n Farouk Chiali aneɣlaf n usiweḍ azayri, yenn-ad i yeɣmisen izayriyen deg temlilit-ines n 25 yennayer yezrin, akken iberdan n usiweḍ ama deg genni neɣ deg ilel tulya-nsen d ubelleɛ-nsen  » d tamsalt yellan ger ifassen kan n tselwit tazayrit », akka yal yiwen yettarratt-id ɣef wayeḍ deg wurar n warrac.

Mas covid-19 deg tmurt tazayrit wagi Pr KHIATI d win yefkan azref i wdabu azayri deg sekker n tlisa imi ula d netta yugad « anekcum n talɣa coγid-19 tamaynut i d-yusan deg tmurt n legliz ».

Ass-agi amaḍal merra yebges akken ad yessenger anfufed agi n covid-19, idabuten akk n umaḍal, begsen akken ad sseḥbibren ɣef tezmert d tdamsa n tmura-nsen, ala tamurt n lezzayer d udabu-ines, i yesɛuzgen deg udem n yegduden yezdel, yeccelqef tagniit agi akken ad iṛeṣṣi u ad yessentu ugar tuccar-is deg dabu, i Tebbun d Xaled Nezzar d wid-nsen tilisa zkant llint ma d arraw n wegdud, rran timedlin fell-asen, ar melmi ?

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s