RACHAD : Aseqdec n imeslayen n Malika Matub mgal tugdut

Publié par

Iḍelli 29 yennayer 2021 deg taddert n BUDAFEL n AT YEḤYA (Michelet), yella-d wesmekti d tejmilt i yiwet n tgejdit n tugdut d timmuɣnest i lmend n tutlayt d tnekkit n tmurt taqbaylit d tmazɣa irkulli, wagi d Rachid TIGZIRI, aṭas n wudmawen i-d-yemlalen deg tejmilt agi ama d udmawen n tsertit neɣ n tmeti d yedles, ger wid akk i d-yemmeslayen awal n tejmilt i wergaz agi n tafat, tella temdebbeṛt tamenzut n lsas Lwennas Matub, tagi d weltmas Malika, acukan ayen i d-tewwi deg wawal-is, yettwaseqdec sɣur n waṭas n imeskaren n Facebook i qeṛben ar tudsa tisneslemt RACHAD.

Acu i d-tenna Malika d wacu i d-essawḍen imesḥaf isenselmen ar Facebook ?

Deg wawal n tejmilt i d-tenna Malika ɣef Racid Tigziri, d asmekti n tmettant n wergaz muqqren am mas Tigziri n cbiha yellan gar-as d Lwennas imi d tanuda asmi ttwanɣan s ṛṣaṣ n leɣder Da Lwennas 42 n iseggasen, Da Racid 43 n iseggasen akked tufra d usberber yellan ɣef tidett n tmettant-nsen, terna-d : » Ass-agi d wid yenɣan tarwa-nneɣ i d-yettmuddun timsiren ɣef tidett d unadi ɣef tmettant-nsen… », send awal agi terna-d tafyirt-nniḍen d tagi kan i d-kksen imesḥaf isenselmen ad tezzuzren deg facebook akken ad ssekren cwal gar yeqbayliyen anda tenna Malika : » Surfet-iyi, ass-a n wussan, d Rachad i d-yettmeslayen ɣef usbeddi n tesqamutt  » TIDETT d TEƔDEMT » mači d imagdayen ».

Nwala din din, aṭas n yegrawen d isebtaren n Facebook ladɣa ssedduyen iɛeggalen n tudsa tarebrabt tisneslemt RACHAD, ksen-d tafyir taneggarut n Malika akken ad tezzuzren ataya Malika d tin yeddan akked d isenselmen, annect agi akk akken kan ad bḍun ugar iqbeyliyen, u ad smeɣren iceqqiq gar-asen.

Akken yenna Da Lwennas : » Imi tidett teskiddib ma ad amneɣ allen-iw tura ? « , ihi yewwi-d ɣef teqbayliyen d yeqbayliyen, ad ldin allen-nsen d wallaɣ-nsen, akken ur keččemn ara deg tucḍiwin am tigi, acku Rachad terra-d lwelha-ines ar tmurt taqbaylit, imi teḥṣa belli ma tra ad taweḍ ar udabu, ilaq ad terkeb ɣef uzagur n yeqbayliyen neɣ ma ulac ayen ala ɣef lǧettat-nsen.


Rachad, yessenta tuccar-is deg sertanen, am RCD d Karim ṬABU, yesseqdac isem n Lwennas Matub, xas ulamma aneggaru yagi yella ger imenza i refden ula d lfuci mgal asenfar asneslem deg tmurt u deg maḍal, sseqdacen akk ayen i d-yeɣlin gar ifassen-nsen akken kan ad bḍun gar yeqbayliyen ad lhun deg meṛzi gar-asen ad ttun tadukmli d lebni n usenfar-nsen win ara yesseḥbabren ɣef uzekka n tmurt taqbaylit, ara yebnun imal n tsutwin tiqbaylien i d-yettnernayen ass-a.


Tagi d tamsirt i yal wid i refden awal n teqbaylit, ad zzin ugar n 7 n tikal awal deg iles-nsen send ad d-brun i kra n tefyirt i zemren ad sqedcen yeɛdawen n teqbaylit mgal-nneɣ, d tamsirt i Malika, i refden isem ẓẓayen, win Lwennas, yewwi-d fell-as ad txemmem aṭas n tikal send ad tebru i yimi-s, acku aṭas n tmuɣli i yezzin ɣur-es, ma ur tezmir ara ad ad teṭṭef iman-is ɣef tucḍiwin am tigi, i d-yewwin d tasusmi, imi qqaren imezwura, ma ameslay d lfeṭṭa tasusmi d awraɣ.

Slet i wawal n Malika deg tγideyyutt agi akken yekmel

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s