Brother RACHID : Yufa-d s tmusni n ADN d amaziɣ ugar n 94%, walit acu yexdem imi yezṛa

Publié par

Brother Rachid, yiwen ger yelmezyen imasiḥiyen yetwasnen nezzeh deg maḍal n usiweḍ, ladɣa imi yella d tasebba n usufeɣ n igiman d luluf n yimaziɣen deg ddin n muḥemmed imi yerra-ten d imasiḥeyyen. Yetwassen diɣ ɣef yeskasiten-ines akked d imusnawen n tneslemt ɣef tidett n leqran, iskasiten yezga yerbeḥ imi yugariten tamusni n tezdeg n yiles.

Brother Rachid s yisem-is n tidett Rachid HAMMAM ilul-d deg seggas n 1971 deg SIDI BENNOUR ( Merruk), d ineslem aqdim yeǧǧan ddin agi u yuɣal ar tmasiḥit, ger wudmawen yetwasnen akk deg sammar alemmas, yessedduy yiwet n tedwilt n uwelleh ar sidna Ɛisa ɣef tilizri n Al Hayat TV, tilizri i ṛeṣṣan deg tmurt n CIPR ( Chypre).

Deg tγideyyutt agi deg tagara n weḍris, ad twalim Brother Racid, anda yebda yettmeslay ɣef wayen yenwa yella, ɣef leḥsab n imawlan-is, imi yenna  » yemma d baba d wid i d-issekren deg wasmi meẓẓiyeɣ belli nek d aɛṛab, laṣel-iw ger waɛṛaben i d-ikecmen d tamhersa ɣef tefriqt n ugafa deg lqerr wis 7… » send imi aṭas n imaziɣen i s-yettarun belli netta d amaziɣ, werǧin ad yili d aɛrab, talsan temsalt agi neɣ tuɣalin-ines deg yal tikelt, tessekcem ccek deg ul n Brother Racid ayen i t-idegren ad yeg anadi yagi n ADN, win deg tagara i d-yefgan agemmuḍ i bedlen tudert-is, imi ADN tbeggen-ed nebla ccek, belli netta d amaziɣ ugar n 94%.

aḥdetec agi n ADN yefka-d kra n igemmaḍ werǧin yurja, amedya timnaḍin is-d-imud unadi yagi s wugar n 94% d snat n temnaḍin timaziɣin yetwasnen yakk deg tefriqt n ugafa : – Ugar n 94% yusa-d Tamnaṭ n Ssus tacelhit n Merruk, akked Temnaṭ n Tizi-Wezzu taqbaylit n Tmurt n Yeqbayliyen. ayagi d ayen yesfeṛḥen ayen din Racid, yegza acoimi tudert-is yakk yettnadi tidett yefren, acku dunnit yakk teskaddeb ɣef uzaṛ-is, ula d imawlan-is umnen tikerkas, maca ar ɣur-es netta d abrid n Sidna Ɛisa is-d-yeldin allen-is ad yemmager tafat d tidett.

« Anwa yenɣan lejdud-nneɣ, anwa i sen-ibedlen iles a yimazrayen, anwa yezzenzen tilawin-nneɣ d wanwa yesgugmen allaɣ-nneɣ a yimazrayen » s usefru yagi i yekfa awal-is, yesḥassef, neǧǧa lǧid neḍfer aɛeṭṭarn nerra deg rrif Aksil, nerfed d aswan aqettal n Ɛuqba, nerkeḍ Baba Dunat nessuli el Qeṛḍawi, maca ma Brother Racid d win yufan tidett send 40 n iseggasen, ahat am netta d tiwinas n igiman ara d-yendekwalin kra n wass.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s