Amar Mezdad : Amejjay n tsekla taqbaylit

Publié par

Amar Mezdad amyaru yufraren n teqbaylit, d amejjay deg teɣremt n Bgayet, ar ass-a n wussan, ger imenza i yebdan tira s teqbaylit, imi yegza d amenzu akken amennuɣ asertan d aḍar, amennuɣ adelsan d aḍar-nniḍen, ihi tafekka taqbaylit ur tezmir ara ad teddu ma yenkez yiwen ger sin iḍarren agi. Mas Mezdad s tira-ines yeldi abrid i ygiman n yemyura i yerran tutlayt n Da Lmulud, d tin yufraren ass-a deg akk tutlayin n tefriqt n ugafa xas ulamma ur tesɛi ara awanek ara tt-i-refden, xellef ɛad mer i tesɛa teqbaylit tasertit ger ifassen-is.

Tira timenza n Mas Mezda am yal win yezdeɣ waḍu n tsekla d tamedyazt, i zuzur deg tesɣunin n tallit n tufra, asmi akken yuɛer lmenṭeq, send akin yessufɣ-ed ungal amenzu « IḌ D WASS » deg seggas n 1990, xas ulamma ungal agi snemrent akk fell-as wid i tyeɣran maca tasuta-nneɣ tamaynut drus win yessawḍen ad t-i-ɣer acku ur yelli ara deg temkerḍiyin n wass-a.

Werǧin yessers imru, deg ungal-is amenzu, yeḍfer abrid n tira yesna-y-aɣ-d azrar n tsekla yettfeǧǧiǧen am wewraɣ, anda yuni tidett n tmeti taqbaylit d tuccar n tesnaraft tazayrit i d yettwaɣeḍlen fell-as, tettsummu deg wadif-is ar ass-a n wuss-an, yufa-d awalen i wulmen i tefsut taberkant andakken tiggugemt tuɣ tara, yessegza-d tilawt n yeqbayliyen d teqbayliyen amyimi d amusnaw n tmeti, taɣuri-nes d inig ger tiḥḥercewt n tilawt d telweɣ n usirem.

Ass-agi ma nemmeslay-ed ɣef tsekla taqbaylit, d ulaqṛaṛ ad d-nader isem n Amar Mezdad, xas d igiman n yemyura i yellan ass-a maca ulac win ur nesteɛref ara s wazal d temɣer n umejjay n tsekla taqbaylit, tudert n tzemmurt a Da Amer Mezdad, taqbaylit weǧin ad teṛwu tasekla-k.

Tukkist deg wadeg internet ayamum.com ◘ Tisufaɣ n Dr. Ɛmeṛ Mezdad
◘ Les publications du Dr. Amar Mezdad
1) Tafunast igujilen (Isefra) – 1978
2) Iḍ d wass (ungal) – 1990
3) Tagrest urɣu (ungal) – 2000
4) Tuɣalin (Tuɣalin d tullizin nniḍen) – 2003
5) Ass-nni (ungal) – 2006
6) Tettḍilli‑d, ur d‑tkeččem (ungal) – 2014
7) Yiwen wass deg tefsut (ungal) – 2015
8) Adlisfus n usemres n tmaziɣt tatrart (tira taɣuri) – 2015
9) Tuɣalin (d tillizin nniḍen) – 2016
10) Le retour (et autres nouvelles) – 2017

Tisufaɣ n Dr. Ɛmeṛ Mezdad

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s