Tawrirt muqqren : Tiwizi tettkemmil

Publié par
IWIZIWEN N TEWRIRT MUQQREN

Lǧemɛa d ass n Twizi deg tmurt taqbaylit, ɣef waya Tawrirt Muqqren d tin i begsen ad tcebbeḥ agama d wudem-is, s iɣallen d tedrimt n warraw-is d yess-is. D azrar n twizi, i yebdan d aguren aya, maca akken i d-yeɣli wenfufed n Covid-19, tadyant n ucebbeḥ n wudem n taddert d win i ḥebsen, acku nnig cbaḥa d aseḥbiber ɣef tudert i yecqan ladɣa imezdaɣ n Tewrirt d yeqbayliyen d tirna. Tura imi t-yenkeẓ wenfufed agi, uɣal-end iwiziwen ar iberdan d leḥwari d tzeqwa n taddert am yal lǧemɛa, yal yiwen i xemmel i yiɣallen-is ddaw leɛnaya n wegraw n taddert-agi.

Ihi d agraw n taddert n Tewrirt Muqqren i d-yessawlen deg yiwen walɣu ar uheggi n twizi yagi ass-agi n 5 Furar 2021, d ayen ibanen iwiziwen d wid yeṭṭuqten imi yak imezdaɣ n taddert agi yeddukel wawal d lebɣi-nsen deg tikli ar ucebbeh n wudem n taddert.

Ayen yellan deg wahila agi n Twizi d ayen yefran yakan deg wegraw n taddert ussan yezrin yettmeslay-ed ladɣa ɣef temsal-agi:
-Amṛaḥ n yelmeẓyen n taddert d win deg ara d-lhun inazuren s uzewweq n wanuɣen d werqam

  • Asali n rrif n webrid s imesden n ssiman d win yebdan deg tewwurt ar talemmast n taddert
  • Asekcem n trisit d uheggi n tafat i tzeqwa d yemṛaḥen n taddert
    -Asemɣer n wemṛaḥ n wurar i warrac imecṭaḥ i d-yezgan deg YESLADEN ( Burdman).

Twalam ihi ahil n wass d win muqqren, maca lebɣi n uṣeggem n imezdaɣ d iwiziwen n tewrirt muqqren d win muqqren ugar, ulac taɛkemt zzayen tecki dduklen iɣallen, d tagi i d taqbaylit d tagi i d tawrirt muqren.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s