Publié par S yisem-is d amnadi n tussna tinslmet deg tesdawit n Lezzayer tamanaɣt, deg Umzaz asuffi, d amsnulfu n yiwet tesbeddit CERCLE DES LUMIÈRES POUR la pensée LIBRE « yeṭṭafarren abrid n Muḥend Ɛerkun « .
Yettwasen s tufɣiwin-ines deg uzeṭṭa n FACEBOOK akked tɣamsa s lmegirda-ines deg tiktiwin d tulya n uxmem-is ɣer tɣerma tamaḍlant , izega imgared d tuget n imusnawen n tesreḍt deg tmurt n Lezzayer ladɣa wi d-yenulfan akka deg iseggasen yezrin ayen i wumi semman isalafiyen.
Ayen i d-yettaran lewlha d aken tama-ya d wid i d-tt-laɛin ɣer temttant-is deg aṭas tegnatin maca taɣdemt tugi ad t-sersit ɣer tlisa-nsen.
Tikelt-a agraw n isenselmen ɣef uqerruy-is yiwen n ubrufissur deg tesdawit n Belεebbas Mass Ɛebderezaq Bwijra, d wid icektan fell-as timentelt n tyita mgal ayen « Yettwaqedsen » deg tesreḍt tineslmet, rnu ɣur-s gren-d tiɣri i ugdud azzeyri aken ad yilli ɣer yidis-nsen.
Mass ǦABLXIR netta s timad-is yesbeggen-d reffu-ines imi yenna : » wid icektan rnan asebuceɛ ur ǧǧin ara tamslat gar ifassen n taɣdemt kan ». Ɣef aya ibeddi-ines ad yilli ass n 25 furar useggas-a iwekked-d akken ar tura ur imugger ara ula d yiwet n tsɣret s ɣur taɣdemt n tmurt tazayrit.
ameghnas.com 