Samir Djebbar : Deg Lezzayer llant 46 n Lwilayat + Agezdu n Tizi-wezzu

Publié par

Aselway n tidukla n yimeznuza n Tizi-Wezzu, Samir Ǧebbar deg tlizri n Essalam Tv, iḍelli yuɣal-ed deg tedwilt ɣef ddemma n liḥala n tdamsa deg tmurt taqbaylit, ɣef wanda tessaweḍ tilawt. Deg meslay-ines yefka-d kra n isallen unṣiben i d-yettbegginen, miḥyaf i d-yeɣlin ɣef ladɣa tanezzut ( commerce) deg Tizi-Wezzu, anda i d-yuder tilin n wazal n 100 000 n yimeznuza yettxelliṣen tabzert (isallen n CNRC deg wemḍiq wis krad send Lezzayer d Sṭif), i wanek azayri, anda deg tamiwin-nniḍen n lezzayer ulac win yettxelliṣen tabzert-agi.

Yuɣal-ed Mas Ǧebbar ɣef miḥyaf yessexdem udabu azayri deg seddu n wekman mgal anfufed Covid-19 anda yenna:  » Acimi deg igezduten yakk n tmurt ad tafeḍ tadamsa telli, tiḥuna ldint, teṛmisin n tnezzut ( entreprises de commerce) teddunt ala deg tmurt taqbaylit i tsekkeṛ dunnit temmut tdamsa » d win yesteqsan ɣef wemgired agi yellan, deg tegnitt anda aneɣlaf n tezmert ara yeqqar, anfufed n covid-19 d win yettimẓiyen deg wass ar wayeḍ.

D tagi i d tilawt ass-a, deg xemmem n udabu azayri , tella Lezzayer d tamurt, tella Tmurt Taqbaylit d tamurt-nniḍen ɣef wayeg i d-yeɣleḍ ẓmik d miḥyaf, ahat imi i tugi ad teknu ddaw n wurar-ines asertan amaynut, yesmekt-ad mas Ǧebbar, akken « Ass-agi win yettaɣen tajeṛnat ddaw n 60 000 DA d igellil » acku tegrurej ssuma n Dinar deg tmurt.

« Ass-agi adabu azayri yeddeggir imeznuza ad xedmen nebla lekwaɣeḍ, wannag acimi wid yenzuzuyen cṛab ar ass-a sekkren yexxamen-nsen, deg wakud anda deg lezzayer yakk ldin ?  » d Wagi i d asteqsi-nniḍen ɣef wayeg i d-yemmeslay mas Ǧebbar, ar ɣures ulac lezzayer taqdimt ulac tamaynutt, yella kan wegdud yebɣad ad yedder deg tlelli d talwit. Ar ɣur-es ur d-yegri laman ger tɣiwanin d wid akkyessedduyen timsal ddaw leɛnaya n udabu azayri, asefti d usnegmu ad d-yekk deg yegrawen n tudrin d iɣerman ma msefhamen gar-asen.

Asenfar n suq akk meqqren deg lber n Tefriqt ara yilin deg Tizi-Wezzu !

Mas Ǧebbar Samir, yuɣal-ed ɣef usenfar yerfed netta d 68 n imeznuza, ger wid yessersen tadrimt-nsen deg tkebbanit CGD ( Agraw n yemsugten i wnegmu), id-sudsen deg 2019 tin iran ad tebnu suq akk meqqren deg lber n Tefriqt, tin i d-yessersen yakan ɣer tɣeṛɣert n usefti ugar n 40 Million dinar, acukan yemmeslay-ed ɣef wuguren d-ttmagaren akken ad kesben akal i lebni n ssuq agi d waṭas n lekwaɣeḍ-nniḍen.

Xas ulamma yezmer ad yeslal ugar n wagim (100) n imeḍqan n uxeddim usriden, u diɣ d asenfaṛ ara yesrekden ssumat n isafaren n weznuzu.

Ḍefṛet ameslay n mas Samir Ǧebbar deg tvideyyutt agi deg dqiqa tis 28

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s