RACHAD : Aseqdec n Tmurt Taqbaylit d annar n ṭrad mgal adabu !

Publié par

Afus ur tuɛiḍ ara ad tkerceḍ ssudn-it, d tagi i d tikli n yeɛdawen n lebda n teqbaylit, wid i neqqen iḍelli yesmiskinen ass-a, wid yenɣan Kamal Amzal d Katia Bengana, i ɛedmen d tiwinas neɣ d imeyyaten n imusnawen iqbayliyen iḍelli kan, imesḥaf-nni yeddan afus deg fus akked udabu aqettal yewten s ṛṣaṣ Lounes deg 88, i tineqḍen deg 98, yernan kra n iseggasen kan 127 deg tarwa-s. Imesḥaf-nni ɣef wayeg yettweṣṣi Lwennas,  » Ma mači d nukkni ara sen-yesɛetben tikli, ddula ad sen-d-efk azuɣer », ass-a begsen-d i tmurt taqbaylit, ad tterren d annar n tṛad, ad tt-efken d asfel i lebni n usenfar-nsen, win ara d-yeglun s tmettant-nneɣ.

Qaaren win ur nesɛi cfawi, ulayɣer lettkal fell-as, anwa yettun belli amenzu i d -yessawlen mgal anay amaziɣ send ad d-yennulfu Gayed Saleḥ, Lɛeṛbi Ziṭuṭ, yettmeslayen s yisem n Rachad, deg tallit-nni, newt-ed deg-s s lḥers, yettefɣ-ed ɛinani i yakk ayen yellan d rriḥa n tmaziɣt, ma deg wass deg d-yeḍḥa d Tamurt Taqbaylit i d allaɣ n « Tegrawla » send tikli n yiɣer n Xeṛṛaṭa deg Bgayet ass n 16 Fuṛar 2019, bedlen udem am tata, uɣalen ulac win i ḥemlen iqbayliyen am nutni.

Yal azamul n teqbaylit sqedcen-t akken ad rebḥen ula n yeqbayliyen, ula d Lwennas, iḍelli kan ttwalin-t d Cciṭan ass-a yuɣal steṛḥimen fell-as, sawḍen-t armi terran d azamul-nsen  » Ad ttyeḥku lxebz i buyul » nni yeqqar, d tagi i tixiṭwaz-nsen d tagi i tiḥḥerc-nsen d tagi i d « Tuqya » i yellan deg wansayen-nsen s waɛraben.

RACAHD, tfaq ur teṭṭis belli d tamurt taqbaylit kan i zemren ad terfed amennuɣ nebla azigzagi, nebla asgunfu neɣ kennu, armi d-ḍelqen fell-as tuccar-nsen, i d-rran akk lwelha-nsen ar ɣures  » D ameṛsun muqqren », ssawḍen ula d tikli n imeɣnasen n teqbaylit yettnaɣen ɣef usbeddi n uwanek aqbayli, deg Makuda ddurt i ɛeddan semman-as d « Lḥirak ».

Amek tesseqdac Rchad, tidyanin akk i d-icudden ar tmurt taqbaylit deg mennuɣ-ines ɣef usenfar isneslem deg Lezzayer ?

I ɛemmed neɣ yettekka ?

ASBUCCEƐ / Deg tazwara, Rachad s ttawil n tiliẓri  » EL MAƔARIBEYYA » yeqlen d  » AWRASS TV », tessalay-ed tidwilin s teqbaylit, akken ad yaweḍ ssus-nsen alamma d wid ur nessin ara taɛṛabt, ass-a yal amagday aqbayli i d-iɛeddan deg tiliẓri yagi ad tiɛetteb yiman-is, llan wid i ɛemden, ẓran belli attekki-nsen d afus n tallelt i wseqreb n umeslay asneslem ar imezzaɣ n yeqbayliyen, maca yewwit-en temɣer n uɛebbuḍ akked lebɣi-nsen ad mucaɛen ad twisnen, dɣa deg waya El maɣaribeyya tessen amek i tent-s-buccuɛ, amek i tent-ttcuffu aqenduṛ, wa tsemmay-as d amusnaw, wayeḍ tenna-ya-s tirrugza d keč i d ayla-as.

IMḌELLEƐ N YEƐDAWEN / Tin ɣer-s, Rachad akken ad tekref allalen isertanen tesɛa tmurt taqbaylit, tefren ad tɣur isertanen-ines yetwasnen am Karim Ṭabu d Muḥsin Belɛebbas, testenya yidsen alukan d ifer ilem, maca deg wasmi i sen-tɛelleq lḥerz, ara ṭenṭunen deg berdan belli isenselmen i neqqen atmaten-nsen iḍelli d wid i lemden tugdut, amedya Karim Ṭabu yesseftay yesseftay akurfa deg yirden, yeqqar i win yebɣan ad isel » Lezzayer nra d tin ara yebnun s lsas n tneslemt ».

ASEQDEC N IMEṬṬAWEN / Tamuɣli twehha ar wedrar ma i xelq-ed wejdid, i k-yenna Lwennas, d win refden imesḥaf n Rachad, deg wesmekti n tmenɣit n Rcid Tigziri, Rchad yettekkin s lwert, deg tmenɣit-ines, tneggez ɣef umeslay i d-tenna Malika Matub, tɛerkit terrat deg rregmat ar ucekker, ataya Lsas Matub d win yettcekkiren Rchad.

Sqedcen akk ayen zemren akken ad wten aqbayli s gma-s, ɣlin ɣef Sadi wten-t s wayetm-as, xas ulamma mačči d azamul n tezdeg maca, mači d ass-is u mači d nutni ara t-yessawḍen ar lḥiḍ, neggzen ɣef temsalt n Walid Nekic, xas ulamma deg tazwara ssawlen ar lmut-is imi d ameɣnas yuẓar ar umussu n MAK, maca akken d-yeḍḥa yettuɛetteb, bdan-ten ijeddayen ad sqedcen imeṭṭawen-is, d asuget fell-as taṣebḥit tameddit. Ula d Kapitan n DRS, Hicham Aboud, i d-yeḍḥan d tayett-nsen imi ur yettxalaf ara mejjir aẓar, yuzzel isemma prukurur n tagdud d aqbayli ( Taxeṛṛubt Foḍil) akken ad tt-yesseker ger yeqbayliyen asmi i d-yeḍḥa mači d winna i prukurur i ḥekmen ɣef Nekic, ur d-yesseɣti ara ashitref-ines.

Deg Tagara, Rachad, tebɣa ad tesseqdec tamurt taqbaylit d annar n ṭrad mgal adabu azayri, d taseddart ɣef wayeg ara terkeḍ akken ad taweḍ ar wayen tettnadi  » Lebni n usenfar isneslem deg lezzayer taɛrab ». Tasarutt ad ttan deg fassen n yeqbayliyen yeddan deg  » Tegrawla n Wecmumeḥ » d imeɣnasen n tmurt taqbaylit, ama ɣef timunent-ines neɣ ɣef timanit-ines d nutni kan ɣef wayeg i d-yewwi ad msegzin ,ɣef wayen i ten-yezdin, acku ma neḍfer abrid id-newwi d tṛad ger yeqbayliyen ɣer ara nessaweḍ, ihi bedlet tikli, a yiqbayliyen amahat ur iṛuḥ lḥal.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s