MEKLA: Taddert n Meslub, tebges ad tesseḥbiber ɣef ugama-s

Publié par

Tella-d yiwet n temlilit deg taddert n Meslub (MEKLA) iḍelli, anda ttekkan tugett n imezdaɣ-s, i d-yefɣen s yiwen walɣu i d-ibeggnen lɣiḍ-nsen deg wayen i ḍerrun d lbaṭel deg twennaṭ-nsen.

Deg Temlilit-a, yella-d umeslay ɣef wayen i ḍerrun deg « carriére » neɣ deg tewrirt n taddert n meslub deg d-tteksen isufar n lebni, ladɣa ijdi n wussu « Tuf », s yir udem d yir amek. Tawrirt agi deg kra kan n iseggasen tbeddel udem, teɣz deg yal amḍiq, ula d abrid ɣef wayeg d-ezga yuɣal yezga i sekker, neɣ yexser, ayen yeǧǧan wid yessenharen ttagaden tecki d-wḍen ar wemḍiq-a.

Akk wid yettekkin deg temlilit n yiḍelli wwten-d s leqseḥ deg tuddsiwin n udabu azzayri teɛna temsalt n weyen i ḍerrun deg tewrirt-a, maca werǧin mḥaḥden, neɣ mbawlen akken ad ḥebsen agejdur-a i d-yeɣlin ɣef ugama n tama n Meslub,u ad s-dafen tifrat i lebda i wugur-a yerzan mači kan d taddert n Meslub, maca akk imezdaɣ n Mekla.

Isuturen imenza i refden imezdaɣ n Meslub, d aseḥbes n wegzar n tewrirt-a s tura, d uṣeggem-ines, d userrasu-ines d’amḍiq ɣef wayeg ilaq ad yili fell-as useḥbiber. i Wakken ad awḍen isuturen-a n imezdaɣ n Meslub, gezmenntt deg rray, ad gen kra n tigawin, ara d-ibegnen tamsalt-nsen, amedya, sawlen-d ad yili ibeddi azekka n 14/02/2021, sdat n wexxam n DAIRA deg yeɣrem n MEKLA, ɣef 9 d wezgen n tsebḥit. Ibeddi ara d-yilin azekka, d win ara yeldin tawwurt i tigawin-nniḍen ma yella adubu azayri d win yeqqimen yesɛuzzeg i teɣri n At Meslub.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s