Ferhat Ait Ali ad yettwakkes: Aqbayli ur i ḥekkem xas yeɣra yezwer !

Publié par

Acḥal n imedyaten i yilaqen, akken iqbayliyen ad gzun neɣ ad fehmen ayen d-yenna Lwennas deg tals-as i yemseɣtret azayri win umi yeqqar AƔURRU  » Ulayɣ nuṛǧa asirem, ma n-senned ɣef sbeṛ, amsedrar ur i ḥekkem ɣas yeɣra yezwer ! ». Kra n weqbayli, yewwi ṭmeɛ ad yekki deg dabu azayri, tagar-as deg leḥbus : Xilla n imedyaten i yellan : Aḥmed Uyeḥya, Amara Ben Yunes, Xalida Tumi, Ǧebbar Mhenna, Saɛid Bay artg…, neɣ ṭeggiṛen-ten am iḍumman ticki ɛyan deg-sen, amedya : Uld Ali Lhadi, Karim Yunes, Remtan Lamamra d wayen ara s-yeḍrun ussan-a i Feḥat At Ali.

Ferḥat At Ali, mmi-s n tama n Micli, i d-ilulen ass n 31 mayu 1963, yesɛa akayad n umaswaḍ n tebzert ( inspecteur des impots) nniqal d win yetwasnen deg weḥric-a n tdamsa d wayen akk yerzan tabzert, yella deg temḥaddit, yezga yesseqcar deg udabu azayri, ladɣa ticki ara d-iɛeddi deg Radyu n temḥaddit RDIO M. Send ad yettwakkes Buteflika, i bed ar yidis n Ali Ghediri i d-imudden udem-is deg tefranin n 2019, maca send tanekra n « WEMBIWEL N 16 FURAR », Gayed Salaḥ yerra Ali Ghdiri ar lḥebs, ma Ferḥat At Ali rran-t kan ar unabaḍ n DJerrad.

Ferhat Ait Ali, yella mgal adabu, yeqqel daxel n udabu, yella d mmi-s n Micli yeqqel qqurent-id deg Micli, asmi yuɣal s wudem-is d aneɣlaf n tdamsa, yella d amsedrar, yebɣa ad yeḥkem, acku yenwa yeɣra yezwer, tagara-s d win ara yettwaḍegren deg rrif, ara yettwasamsen sɣur tɣamsa n usekkak.

Tazwara n tagara-s, tebda-d asmi i t-id-yessenqed ɛinani sdat n tɣamsa tazayrit, uneɣlaf amenzu DJerrad, send imi Ait Ali yugi ad yebder wid umi d-iṣaḥ ad skecmen tikuṛyas timaynutin, Djerrad ur yebɣi ara ad d-ibin amzun tella tufra ɣef temsalt-a. Maca nezra belli tasusmi ɣef ukkuẓ (4) n yemsekcmen n tkuṛyas i yettwafernen deg temzezzelt i d-hegga tneɣlaft n tdamsa, mači d ayen kan iga mas Ait Ali nebla ma icawer aneɣlaf amenzu, amahat yudiy-as ticerkett, ad d-iheggi astaxxer-ines ?

Wid akk yeṭafaren anegmu adelsan deg tmurt n lezzayer, u ladɣa aḥric n uzenzi d usnekcem n tkeṛyas timaynutin, ẓran belli, 4 n idamsiwen yettwafernen sɣur tneɣlaft n tdamsa, d wid yesɛa zher d ameqqran, acku ssuq agi n tkeryas d imelyaṛen ara ferqen kan deg ṛebɛa yid-sen, ihi kra n win tesneɣna tigawt n Ferhat Ait Ali, yeqqel d axṣim, yettgallan ɣef uqerruy-is.

Acu i s-yeḍran iḍelli deg « Club Des Pins » i Ferhat Ait Ali ?

Taɣamsa n usekkak, d tin i d-yessufɣen tyaqṣiṭ ara d-yeglun s uqecceɛ n Ferhat Ait Ali deg kra n wussan-kan, imi d-uran belli iḍelli deg idḍ deg « Club Des Pins », anda yesɛa tamezduɣt mas Ferhat At Ali, d win yessekren ahrahu ɣef ijadermiyen yettɛassan anekcum n tama-ya, acku ugin ad s-skecmen snat n teḥdayin i d-yusan ɣef leḥsab n kra n isallen ad, ad ɛezzeṛen-t yid-es iḍ.

Akken qqaren, ma tebɣiḍ ad tenɣeḍ aqjun-ik in-as yesseḍ, ihi s teqsiṭ-a mači kan d aqecceɛ ara qecɛen aqbayli-nniḍen, maca ad tessamsen u ad sefḍen fell-as lqaɛa, d tagi i d tagara n leqbellec, i bedlen adrum s weɣrum. Amahat ad akkin yiwen wass yeqbayliyen ?

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s