Publié par Teɛreḍ yiwet n tneɣmast iwumi semman Amira Ḥammadi tsersed tawellaft n Samira Messusi akked d yiwet d taɛeryant, tenna-d belli tagi d Samira Messusi ɣas akka allen skana-aten-d d akken mačči d Samira Messusi. Taneɣmast agi teɛreḍ ad tcemtitt, ad teɛfez ɣef yiseɣ-is.
Samira Messusi tura-d deg usebter d akken tamdant agi ur ttessineɣ ara, tesbab-iyi-d ayen ur nelli, rnu daɣen tenna-d ad tebnu ɣef id-teddun, ɣas akka ur bɣiɣ ara ad qedceɣ d teɣdemt tazzayrit i ittawin imeɣnasen, acu tagi ur zmireɣ ara ad tesɛeddi.
Aṭas imeɣnasen i yewten s leqseḥ di temsalt agi gar-asen Mas Yassin Ɛisswan, Massa Lila Ḥaǧ Aɛrab, Karim Wacek, Nassim Messɛudi, Kader Saidj d weyyaḍ bedden ɣer Samira Messusi. Samira Messusi d tameɣnast yettwasnen ɣef tugdut, tekcem ɣer lḥebs anda tesɛedda sḍis wagguren ɣef wanay amaziɣ, nekni weǧin ad nefk afus fell-as, ad nbedd ɣer tama-s aken nettbadad d yal aqbayli yettuḥazen.
ameghnas.com 