Tadukli mgal nger i d-iteddun

Publié par

Nerẓa azaglu nerra wayeḍ. Neffeɣ-ed seg Lezzayer Tafṛansist, neɣli ddaw uḍar n Lezzayer Taɛṛabt tasnislemt yekkaten s wayen yak i tezmer akken ad aɣ tbeddel isem, udem d yiles.

Ayen ak ara isdermen Taqbaylit, adabu azzayri yella deffir-es. Imekken-ed wid yesseqdacen ddin di tsertit akken ad d-kecmen tamurt Taqbaylit ɣef tefdent.

Wwin-d ddin d aɛwin Rran-t d ayla-nnsen. Deg-s ayen ur ufin Ad t-id rnun sɣur-sen. Leqrun ttɛeddin Nitni deg yilemmasen.

Awanek azzayri iga-yasen ifadden s yiɣerbazen, s tilibizyuwat, s tiddukliwin tiddiyaniyin, s leǧwamaɛ yerra ger yifassen n yisalafiyen, d yedrimen s wayes ttkellixen i yelmeẓyen yeǧǧa usirem. Rnu ɣef waya , tigelldiwin n Lxalij i la d yesmarayen tadrimt mebla cceḥḥa. Awi-d kan ad seḍfen isem aqbayli/Amaziɣ.

Isenselmen, ur d snulfan kra, d abrid yenjeṛ uwanek azzayri i yuɣen. D akniwen i d-iteṭṭḍen seg yiwet n tmaẓẓagt tasnektant: Tiɛuṛṛebt d tisnuslemt. D lḥif d timmuɣbent yessefrak udabu amhersan di Tmurt Taqbaylit i sen yettaken tazmert d wallalen s wayes ara ddun deffir-sen kran n yiɣermanen iɣeddṛen s tirga ur nteffeɣ.

Sdat ubaxix agi i d yetthegin usu i nger, tewwi-d ad nesdukkel iɣallen , ad nesbed yiwet n tirni ara yesseḥbibren ɣef Teqbaylit-nneɣ.

Imeɣnasen n Teqbaylit uklalen tajmilt d leqder i lmend n umennuɣ-nnsen azedgan akken ad d-kksen tinekkit-nneɣ ger yiɣuraf n Tiɛuṛṛebt d tisnuslemt. Maca amennuɣ agi, yessefk ad yezger akkin i wennar asertan, ad yaɣ yal aḥric n tudert. S yal tardast i d-nekkes i yicinga, d tazmert i nerna i Teqbaylit Akken ad tafeg s wafriwen-is. Ihi fiḥel ma nezzi deg-wawal, ad negret meṛṛa irebbi i tdukli , yes-s kan i nezmer ad d-nawi tilelli.

Adabu azzayri aked isenselmen yiwen-nnsen, seg-sen ar ɣer-sen . Ar yiwen ukufi ixeddmen: Lezzayer Taɛṛabt Tasnislemt.

Aɣref Aqbayli yesselmed-it umezruy. D awezɣi ad iɛeddi fell-as uzaylal. Win ara t-ikellxen ur d-ilul ur d yettlal. Werǧǧin ad yefren ger nger d gma-s. D awanek aqbayli i d llsas, yes-s tamurt ad d teqqel ar tarwa-s, tafat ad-tekkes nnuba i tillas.

Buɛziz u Cebbi (Bouaziz Ait Chebib).

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s